ابويا واصحابي كامله

وقبلت البنات قدام البوابه
سلمى
صباح الخير اتاخرت عليكم
ندى
فاضل بس 10 دقائق وندخل احكي لنا بقى حصل ايه امبارح بدل ما رضيتيش تحكي واحنا في البيت عندك
سلمى بكسوف قالت
هو اخذني وخرجني وداني حته مطعم انما ايه من بتوع الناس الاكابر فطرنا وبعدين مشينا ورحنا الملاهي لعبنا شويه هناك ورجعت على البيت كانت الساعه 530 وطبعا انا في الوقت ده من الساعه 100 لغايه الساعه 400 كان عندي دروس انا ما رحتهاش عشان قضيت الوقت مع احمد
روان
وقعتي واقفه يا بت يا سلمى ما لهوش واحد صاحبه زيه كده
سلمى
لا يا حبيبتي حبيبي ما فيش منه اثنين
روان
خلاص يا ستي ربنا يفرحك دايما انا اتمنى لك الخير يلا خلونا ندخل بقى والنهارده ما ما تهربيش من المدرسه انت وراكي دروس وحاجات كثير خلينا نلم نفسنا كده ايام الامتحانات دي
سلمى
حاضر انا قلت له كده صدقيني بس انت عارفه ان حتى لما اخد الاجازه بابا مش هيسمح لي اروح في اي حته
روان
ان شاء الله خير يلا خلينا ندخل
دخلوا المدرسه
في فيلا كبيره كان قاعد شاب اسمه احمد عنده 25 سنه مع ابن عمه حسام
حسام
يعني انت مش ناوي على جواز
احمد
جواز ايه هو انا بتاع جواز يا ابني انا بتسلى
حسام
وانا اللي قلت عليك عقلت يا احمد طلعت لسه زي حالاتي
احمد ضحك وقال
لما تعقل انت هبقى اعقل انا قول لي هنروح فين النهارده بقى لنا كم يوم كده ما رحناش مكان عدل
حسام
وطي صوتك ابوك لو سمعنا هيجي يبهدلنا انت عارف ابوك بېخاف على سمعته قد ايه ولو عارف ان احنا لسه بنروح الاماكن دي مش بعيد يخلص علينا اسكت بقى
احمد
يا ابني ما تخافش بابا اصلا خرج من زمان انت اللي صحيت متاخر النهارده ما شفتوش
حسام بهدوء
اذا كان كده ماشي في حته نايت كلوب فاتح جديد انما ايه شكله تحفه ايه رايك نروح النهارده ونجربه
احمد
وماله نروح انا اصلا فاضي ما عنديش حاجه
حسام بتريقه
ما هو لازم تبقى فاضي انت لا وراك شغل ولا مشغله ما هو ده اللي مجنن عمي ومخليه مش طايقك
احمد
انا مش هشيل مسؤوليه من دلوقتي
حسام
بس على الاقل يا اخي اعرف الشغل ماشي ازاي ابوك ربنا يدي له طوله العمر بس هو مش هيعيش ليك العمر كله لازم تبقى عارف الشغل ماشي ازاي على الاقل تعال اتعلم الشغل
احمد
بعدين بعدين
حسام
انت حر انا رايح الشغل دلوقتي هقابلك بالليل باي
خرج حسام من البيت واحمد اتصل على سلمى ولكن كان مقفول التليفون
احمد
زمانها في المدرسه دلوقتي اما اروح استناها تخرج
اخذ مفاتيح عربيته وطلع على المدرسه
في الشغل عند حسن دخل مكتب زميله وقال
مصطفى هتنزل تصلي معانا الظهر خلاص هياذن
مصطفى بتوتر
خليها كمان شويه اصل انا ورايا شغل كتير ولسه ما خلصتوش
حسن
يا مصطفى ربع ساعه مش هتقصر معاك في حاجه ارضي ربك وتعالى صلي معانا ويا سيدي انا هبقى اساعدك في الشغل
مصطفى
حاضر يا حسن
وخرجوا الاثنين وراحوا الباقي زمايلهم اللي رايحين يصلوا معاهم وطلعوا على المسجد وصلوا صلاه الظهر وبعدين رجعوا على الشركه تاني وكل واحد رجع على مكتبه وفي البريك اتجمعوا سوا
مصطفى
وانت بقى يا عم حسن ترقيتك امتى المفروض انها متحدده بقى لها كتير
حسن
والله يا ابني ما عارف بس مش فارقه وقت ما يجيبوها بقى
عصام
لا ما ينفعش لازم تسال عنها انت تستاهل كل
خير يا حسن
حسن
ربنا يخليك يا عصام هبقى اسال
تليفون حسن رن حسن قام وقال
بعد اذنكم يا جماعه هرد على التليفون
وبعد عنهم شويه وعصام قال
محترم قوي يا حسن ده كل