اختي حامل

اعمل عمليه واخلص منها مش انتي اللي دورتي على مصلحتك وبس ولا كان في دماغك حاجة
في الوقت عيط وقولت لها
شيماء 
يعني انا نفسي ابقي ام يامها ومش وانتي مستكتره عليا اني اعيش لحظات الأمومة دي انتي متعرفيش كلام حماتي ليا عامل ازاي ماهو محدش بيحس پالنار الا اللي ماسكها
وبجد بحب محمود اوي ومش بقدر 
اعيش من غيرو والله لولا كده كان 
زماني أطلقت علشان ارتاح من كلامهم
مها
خلاص ياحبيبتي خلاص متعيطيش انا معاكي وان شاء الله هولد وانتي تاخدي الولد وترفعي راسك قدام حماتك وربنا يسترها بقي هو عالم 

ان مكنتش عايزه اعمل حاجه غلط والله
وعدي كام شهر عند مها وبطنها بدأت تكبر وحماتها طلعت تقعد معانا وانا حطيت مخده ومها لبسه عبايه واسعه وحماتها قالت
الحما 
جرا ايه يامها انتي عماله تتخني اوي كده ليه هو انت قاعده بتاكلي اكل اختك الحامل ولا ايه
شيماء
ههههه ااه ياطنط بتاكل اكلي وبعدين حضرتك عارفه ان مها مش بتنزل تحت خالص عشان كده قاعدين انا وهي ومش ورانا غير الاكل
الحما
ااه ياحبيبتي صحيح وبعدين من ساعت الدليفري ومش دليفري وابصر ايه وانتو بقيتو عاملين زي العواجيز مبقاش حد ينزل يجيب طلبات
مها
ااه طبعا ياحماتي بصراحة توصيل الطلبات ده ريحنا كتير اوي من اللف في السوق
وبعدين محمود جوز اختي اللي شايل 
المصاريف كلها ومش بيخلي واحده فينا 
تعمل اكل بصراحه
الحما
ااخ منكم انتو يابنات اليومين دول وهي الحاجة يبقا لها طعم الا اذا كانت الواحدة تنزل السوق بنفسها وتنقي خضارها وحاجاتها بايديها يلا انا هاقول ايه ربنا يهديكم
مها
يا حماتي احنا زمانا غير زمانكم بقا
الحما
ااه ياختي انتو زمن الدلع انما احنا كنا شايلين الهم من صغرنا يلا انا نازله شقتي فوتكم بعافية
ونزلت حمات اختي ومها قالت وبعدين انا كل يوم القلق عندي بيزيد
شيماء
يابنتي بقا خلي قلبك جامد شويه وبطلي تبقى جبانة كده
وعند حماتي في البيت رانا كانت ولدت وجابت الولد وقالت لحماتي
رانا 
هي الست شيماء هانم مش ناوية ترجع البيت ياحماتي ولا ايه ده انا حتى ولدت اهو ومجتش تبارك لي بحجة انها لازم تفضل نايمة على ضهرها
ملك
ايوه صحيح هي هتفضل عند اختها لحد ماتولد ياحماتي هي بصراحة شكلها بتدلع دلع ماسخ اوي يعني ما احنا حملنا وخلفنا انا ورانا ومفيش واحده فينا سابت بيتها
الحما
اعمل ايه ماهو محمود ابني اللي قال إنها هتفضل لحد الولاده عشان الدكتورة قالت كده فاخلوها هناك احنا عايزين منها ايه دي حتى عامله زي البومة وانا مش بحبها اصلا في البيت
وبعدين خليها تقوم بالسلامه مش عايزه حفيدي 
يحصله حاجه
ملك
والله انا حاسه انها هي اللي خلت الدكتورة تقولكم كده عشان ماتجيش هنا وتعمل حاجة والكل يخدمها
الحما 
ياختي تغور بلا هم
ملك 
يبقا خلاص ياحماتي الواجب بقا اننا نروح نزورها عند اختها ونطمن عليها مش معقوله يعني نسيبها كده من غير مانطل عليها ولا ايه
الحما
عند حق ياملك خلاص لما محمود ابني يرجع هاقوله ياخدنا ونروح نشوفها
وفعلا رجع محمود وحماتي قالت له
الحما 
بقولك ايه ياحبيبي انا عايزة اروح انا مراتات اخواتك عشان نطمن على مراتك ونزورها انا عايزاك تأخدنا تودينا عندها
محمود
حاضر ياماما هبقا اقول لشيماء وابقي اخدكم ونروح
ولقيت محمود بيتصل بيا وبيقولي وانا قولت له
شيماء 
لا لا يامحمود اوعي تجيبهم انا مضمنش مراتات اخواتك ممكن يعملو فيا ايه خلي الحمل يعدي على خير انت عارف انهم مش بيحبوني
محمود
يعني هيعملو ايه بس ياشوشو هما ياحبيبتي كت كتر خيرهم انهم عايزين يجو يطمنو عليكي وماما كمان نفسها تشوفك
شيماء
وده من امتى ده يا حبيبي انت