قصه امي _كامله_بقلم هويدا زغلول

تتجوز عيل وتسيب بنتها العروسة دي وانتي توافقيها على كده ده بدل ماتقوليلها بنتك أولى تجهزيها تقوم هي اللي رايحة تتجوز
الجده 
ادخل بس ياحاج محمد واهدي روحي ياسمر اعملي لجدك حاجة يشربها
سمر
حاضر ياتيتة
ودخلت المطبخ لقيت جدو بيقولها
ذنبها ايه المسكينه دي عشان امها ترميها طيب ابوها وراجل ولما اتنيل واتجوزت محدش لام عليه انما بنتك تعمل كده ليه هي فاكرة نفسها صغيرة
الجدة
اعمل ايه بس يامحمد انا اتكلمت معاها كتير مفيش فايدة فيها
محمد
انا مش عارف عيالك طالعين خايبين كده لمين البت وماشيه ورا عقلها ومش عارفة مصلحتها حتى الولد طالع صايع
الجدة بټعيط
قصدك تقول اني معرفتش اربي يامحمد
محمد
لا طبعا ياحجة انتي ربيتي وتعبتي وشقيتي عليهم بعد ابوهم الله يرحمة هما اللي طلعو للدنيا والدنيا بوظت دماغهم
سمر
اتفضل ياجدو
محمد
تسلم ايدك اقعدي ياسمر عشان اتكلم معاكي انا عارف انك اتبهدلتي ياسمر لكن معلش يابنتي تيتة هتخلي بالها منك كويس دي بتحبك اوي 
سمر
وانا كمان بحبها اوي ياجدو ومبقاش ليا حد غيرها
محمد
طيب هسيبكم انا بقا عشان ورايا مشوار وسبنا ومشي وتيتة فضلت حزينة 
وعند ماما حسام قالها
حسام 
بقولك يانودي كنت عايز الفين جنيه سلف بس لحد ماشتغل وهتاخديهم انا اصلا مش عايز اخد منك فلوس انتي عارفه
نادية 
ياحبيبي انت تاخد كل اللي انت عايزة وبلاش الحساسيه الزايدة دي ياسومة دي فلوسك ياروحي بس كنت عايزة استأذنك هجيب البت سمر تقعد معانا يوم كده وارجعها لأمي تاني
حسام بفرحة 
هو انتي لازم تستأذني عشان تجيبي بنتك يانادية انتي تجبيها في اي وقت ياقلبي منا بقولك خليها 
تيجي تعيش معانا. وانتي اللي رافضه
نادية 
تعيش معانا لا تيجي شويه وتمشي
حسام 
بقولك يا حبيبتي انا مش عايزه ازعلك مني خالص اعملي اللي انتي عايزه تعمليه 
وبعدها لقيت ماما بتتصل عليا عشان تاخدني عندها لكن تيتة كانت رافضه بس هي برضو امي وكانت وحشاني وجت تحت البيت ونزلت ورحت معاها على البيت عندها دخلت وحسام كان موجود ولما شافني قال
حسام 
يا اهلا ياسمر ايه النور ده بصتلة ومردتش عليه 
ماما قالت
الام 
اقعدي ياسمر احكيلي بقا عاملة ايه مع تيتة وخالك فؤاد بيعاملوكي ازاى
سمر 
تيتة حنينة اوي عليا ومبتخليش خالو يزعقلي ولا يقولي كلمة تزعلني
حسام 
طيب متخليكي قاعدة معانا هنا ياسمر ده بيت مامتك برضو وهتنبسطي معانا
سمر 
لا انا هرجع عند تيتة تاني بالليل
نادية 
خلاص ياحسام سيبها براحتها ومتغصبش عليها 
وطول الوقت وانا قاعده عندهم كنت ملاحظة نظرات غريبة من حسام معرفش كان بيبصلي كده ليه ورجعت عند تيتة وخالو قالي
فؤاد 
بقول لك ايه يا بنت انت هتقعدي هنا انا مش عايزك تروحي عند امك مش عريسها ده اللي كان عايز يتجوزك
الجده 
يا ابني حرام عليك هو انت ولا منك ولا كفايه شرك حرام عليك ما تسيبها في حالها بقى
فؤاد 
يعني اسبها في حالها مافيش مرواح تاني 
لو هي عايزه تعيش هنا
سمر 
اللي تشوفه يا خالي انا تحت امرك فيه 
بعدها دخلت الاوضه
الجده 
حرام عليك البت غلبانه بلاش طريقه الكلام ده 
معاها ادخل راضيها بكلمتين. بعدها 
دخل وقالي
فؤاد 
مش عايزك تزعلي مني يا سمر حقك 
عليا
سمر 
انا زعلانه من الدنيا واللي بيحصل ليا يا خالو 
والله
فؤاد 
اوعدك انا مش هقولك اي حاجه تزعلك من 
هنا ورايح
سمر 
ربنا يخليك ليا يا خالو 
فؤاد 
بقولك ايه ياسمر عايزك تيجي معايا بكرة مشوار كده قيمة ساعتين وهديكي فلوس
سمر 
فلوس ايه ياخالو انا مش عايزة حاجة وبعدين مش هعرف اسيب تيتة لوحدها
فؤاد 
ماهي تيتة مش هتعرف انك جيتي معايا ولا هتعرف انك خرجتي من البيت اصلا
سمر 
وده ازاى بقا ياخالو
فؤاد 
هنستنا لحد تيتة ماتنام وبعدين هاخدك وننزل واياكي حد يعرف حاجة
والا والله ارميكي في الشارع وانسي طقم الحنيه