قصة زوجي وزوجة اخي
شرب القهوة وراح عندها
في الوقت ده اخوية كان مستني مني تليفون اول ما جوزي يخرج
اتصلت عليه عرفته ان جوزي خرج
قفل معايا وراح وقف عند البيت من بعيد علشان يعرف هل جوزي فعلا بيروح لها والا لا
وما عداش وقت طويل وشاف جوزي داخل من باب العمارة
بعد ما جوزي طلع العمارة اخوية رن عليه ما ردش
اخوية قاله ايه ياعماد ما بتردش ليه انت مشغول والا ايه
رد عليه وكان باين على صوته الارتباك لا ابدا مش مشغول ولا حاجة في حاجة والا ايه
قاله مافيش كنت بطمن على صفية اختي اللي هي انا رنيت عليها ما رديتش قولت ارن عليك اديهالي اكلمها
جوزي قاله انا برة لما ارجع البيت هخليها تتصل عليك
جوزي قاله مع الشباب على القهوة
اخوية قاله بس مافيش جنبك دوشة يعني
جوزي قاله اصل انا قمت بعيد علشان اعرف اكلمك
اخوية قاله طب ما تنساش لما تروح ابقى خلي صفية تكلمني وقفلوا مع بعض
من وقت ما حكيت لاخوية وهو اتصل على محامي صاحبه وعرفه الموضوع وسأله يتصرف ازاي
المحامي قاله ما قدامكش غير انك تثبت عليهم التهمة
وفعلا ما عداش على طلوع جوزي عند مرات اخوية كتير
وكان اخوية جايب البوليس اللي قبض عليهم وهما متلبسين
وانا رفعت على جوزي اللي هو طليقي حاليا قضية طلاق وكسبتها
كسبت قضية الطلاق بس بناتي خسروا سمعتهم ومستقبلهم
راحوا ضحېة اب معډوم الدين والاخلاق ومرات خال خاېنة
ضيعتهم وضيعت اولادها كمان
خمس اطفال ربنا وحده اللي يعلم مصيرهم هيكون ايه لما يكبروا
ويتحكيلهم اللي حصل ويعيشوا في مجتمع الناس فيه ما بترحمش
تمت.
يهمنا رأيكم في التعليقات
