مشكلة أحد المتابعين

السلام عليكم 
انا اتخطبت لواحد مطلق  وسألته سبب طلاقك اي قالي،مرتحناش،مع بعض الله يسهلها وكانت دايما تطلب الطلاق اكتر من عشرين مره بسبب او بدون  سبب فخلاص طلقتها ونفذتلها رغبتها اللي عوزاها  

المهم انا وهوه  فضلنا مخطوبين سنه  وحبيته جدا وهوه كمان حبني جدا وبصراحه والله ماشوفت منه اي شيئ وحش   وخلاص حددنا اليوم اللي هنكتب الكتاب فيه وخلصنا كل حاجه تمام  فجأه كدا لقيت رقم بيتصل عليه

رديت لقيتها  واحده بقولها مين حضرتك انا طليقه خطيبك  قلتلها تمام  قالت انا عاوزه اطلب منك طلب قلتلها اتفضلي قالت انا عاوزه طليقي يردني عاوزه ارجع تاني قلتلها وحضرتك اشمعنا الوقتي بعد طلاقك منه بسنه ونصف  جايه وعاوزه ترجعيله تاني

قالت انا عاوزه ارجع وخلاص انا بقيت متلجمه ومش عارفه ارد وفضلت هيه تتكلم وتقول هوه معاتش طايقني وبيقول استحاله عاد يرجعني بس انتي اللي هتساعديني

افيدوني ياجماعه بالله عليكي انا في الموقف دا مش عارفه اعمل ايه  ومش عارفه اجيب سيره لحد