البانيه بدون لا بيض ولا لبن

البانيه بدون لا بيض ولا لبن وقريبا بدون بانيه عاوز تشجيع بقى

#الطريقة

المقادير لكيلو من شرايح صدور البانية

التتبيلة .

عصير اتنين بصلة كبيرة (متصفية تماما من التفل)

توم وبصل بودرة

خل وسكر وملح وفلفل ومسترده

شطة حسب الړڠبة

ولو عاوزين طعم مميز اوى زى المطاعم ضيفوا مكعب مرق بودر أو مفروم

الطريقة ..

هنضيف على عصير البصل معلقة كبيرة بصل بودرة ومعلقة صغيرة ثوم بودرة ومعلقة كبيرة خل ومعلقة كبيرة مستردة ومعلقة صغيرة سكر ونص معلقة صغيرة فلفل أسود وملح وشطة حسب الړڠبة

ولو هنضيف مكعب مرق نسخن ربع كوباية مية وندوبوا فيها ونضيفوا على التتبيلة

نقلب كله مع بعض الأول عشان التوابل يمتزجوا كويس

وبعدين هنحط البانية بتاعنا فى كيس تلاجة ونضيف عليه التتبيلة ونسيبوا فى التلاجة مش اقل من اربع ساعات ونقلبوا كل ساعه .. وكل ما هيقعد اكتر هيبقى طعمه اجمل كتير ..

ممكن يقعد لغاية 48 ساعة فى التلاجة

ملحوظة (((مافيش زيت فى التتبيلة الكوفر كده يفك)))

مقادير الخلطة الجافة (البريدينج)

لتر مية ساقعه بتلج

كوبايتين دقيق

معلقة صغيرة نشا

معلقة صغيرة بيكينج بودر

معلقتين كبار بصل بودرة

معلقة كبيرة توم بودرة

معلقة كبيرة بابريكا

معلقة صغير فلفل إسود

ملح وشطة حسب الړڠبة

(((نتبل الدقيق كويس جدا عشان الكوفر يبقى له طعم حلو)))

هنخلط كل المكونات على بعض كويس وننزل بالبانية نقلبه كويس فى الخلطة

بعدين ننفضة من الدقيق الزيادة وننقعه فى المية المتلجه 3 اربع ثوانى ونرجعه على الخلطة تانى ياخد كام لفه وننفضه بالراحة هيعمل معانا القشور اللى احنا شايفنها دى

ملحوظة (((ماينفعش نسيبوا كتير بعد ما نغطيه بالكوفر)))

اللى اتغطى يروح على الزيت على طووول

الزيت غزير على ڼار عالية لمدة اول دقيقتين وبعدين نهدى الڼار تكون متوسطة

ماننزلش بكمية كبيرة مرة واحده عشان الزيت ما يبردش

بتاخود من 8 ل 12 دقيقة حسب سماكة وحجم القطع

وبالهنا والشفااا